पाल्हीनन्दन गाउँपालिका उपाध्यक्ष फातुमा पदमुक्त

नवलपरासी । पश्चिम नवलपरासीको पाल्हीनन्दन गाउँपालिका उपाध्यक्ष फातुमा खातुन अंसारीको पद गएको छ ।

निर्वाचन आयोगले एक सूचना निकाल्दै उहाँको पद रिक्त भएकाे जानकारी दिएकाे छ  ।

आयोगले राजनीतिक दलसम्बन्धी कानुन तथा नियमावलीअनुसार सम्बन्धित दलबाट प्राप्त जानकारी र निर्णयका आधारमा निर्वाचित पद स्वतः रिक्त भएको जनाएको छ । उपाध्यक्ष फातुमा २०७९ सालको स्थानीय निर्वाचनमा नेपाली कांग्रेसबाट निर्वाचित हुनुभएको थियो ।

गत प्रतिनिधिसभा निर्वाचनमा उहाँले आफ्ना दलका उम्मेदवारलाई हराउनका लागि अन्य दलका उम्मेदवारलाई भोट मागेको भन्दै पार्टीको जिल्ला अनुशासन समितिले कारबाहीका लागि निर्वाचन आयोगमा सिफारिस गरिदिन केन्द्रमा पत्र पठाएको थियो । केन्द्रको निर्णयअनुसार आयोगले उहाँको पद रिक्त भएको जनाएको छ ।