नवलपरासी प्रहरीको सवारीसाधान माथि निगरानी

नवलपरासी । पश्चिम नवलपरासीमा प्रहरीले शंकास्पद सवारीसाधनहरु माथि निगरानी बढाएको छ ।

विशेषगरी सवारीसाधानलाई स्वरुप परिवर्तन (मोडिफाइ) गरी चलाउने र ठुलो स्वारमा ध्वनि प्रदुषण गर्नेहरु माथि निगरानी बढाएको जिल्ला प्रहरी कार्यालय नवलपरासीका प्रहरी नायव उपरीक्षक एवं सूचना अधिकारी बीर दत्त पन्तले जानकारी दिनु भएको छ । 

उहाँले भन्नुभयो, “मोटरसाइकलको स्वरुप परिवर्तन र ठुलो स्वरमा ध्वनि प्रदुषण गर्नेहरु माथि निगरानी बढाइएको छ । प्रहरीले हप्ता दिनभित्र परासी बजार र वरीपरीबाट ३ वटा मोटरसाइकललाई नियन्त्रणमा लिइ समझाई बुझाई गरेर तत्काल सुधार गर्न पनि लगाएको छ । फेरी पनि त्यस्तै अवस्थामा भेटिए आवश्यक कार्यवाहीका लागि अगाडि बढाउने छौं ।”

यस्तै बर्दघाट क्षेत्रबाट प्रहरीले एउटा मोटरसाइकल नियन्त्रणमा लिएर आवश्यक कार्यवाहीका लागि यातायात व्यवस्था सेवा कार्यायल नवलपरासीमा पठाएको छ । मोटरसाइकललाई कम्पनीले बनाएको ढाँचा भन्दा फरक शैलीमा मोडिफाइ गरेको भेटिपछि त्यसलाई आवश्यक कार्यवाही सहित सुधारका लागि यातायात सेवा कार्यालय नवलपरासी पठाइएको सूचना अधिकारी पन्तले भन्नुभएको छ । जस्मा १० हजार सम्म जरिवाना हुन सक्ने उहाँले भन्नुभयो ।