कर्मचारी पुरस्कृतमा जसपाकाे आपत्ति

नवलपरासी । पश्चिम नवलपरासीकाे पाल्हीनन्दन गाउँपालिकाले २१ औं  गाउँसभाबाट विभिन्न कर्मचारीहरू लाई नगद पुरस्कृत गरेपछि जनता समाजवादी पार्टी (जसपा) नेपाल पाल्हीनन्दन गाउँपालिका समितिले गाउँपालिका अध्यक्ष बैजु प्रसाद गुप्तालाई आज ज्ञापनपत्र बुझाउँदै आपत्ति जनाएको छ ।

जसपा नेपाल पाल्हीनन्दन गाउँपालिका समितिका अध्यक्ष व्यासमुनि यादव र महेन्द्र यादवद्वारा हस्ताक्षरित ज्ञापनपत्रमा उल्लेख गरिएकाे छ । ज्ञापनपत्रमा भनिएकाे छ,  गाउँपालिकाले कर्मचारीहरूलाई कुन मापदण्डअनुसार सम्मान गरेकाे छ । साे विषयमा सम्पूर्ण विवरण सार्वजनिक गर्नुस ।

त्यस्ता पैसाबाट विकास निर्माण, कृषि, राेजगारि लगायतकाे क्षेत्रमा खर्च गर्न अनुराेध गरिएकाे अध्यक्ष व्यासमुनिले बताउनु भएकाे छ ।