जिल्लामा ग्यासको अभाव छैनः ग्यास विक्रेता संघ नवलपरासी

नवलपरासी । विश्वको मध्यपूर्वमा भइरहेको युद्धका कारण देशमा ग्यास अभावको हल्ला चुलिएको छ । तर नवलपरासीमा ग्यासको अभाव नभएको ग्यास विक्रेता संघ नवलपरासीका अध्यक्ष हरि प्रसाद अधिकारीले जानकारी दिनुभएको छ । 

मधयपूर्वका केहीदेशहरुमा भइरहेको युद्धले गर्दा ग्यास अभाव हुने भन्दै उपभोक्ताहरुले घरमा स्टक राख्न थाल्नुभएको छ । तर नवलपरासीमा ग्यासनको अभाव नभएको अध्यक्ष अधिकारीले भन्नुभएको छ । उहाँले भन्नुभयो, “हाम्रो बानी छ, हामिले बजारमा कुनै हल्ला सुन्याँै भने त्यसको पछाडी दौडिन्छौ । तर यहाँ त्यस्तो केही समस्या छैन् । एउटा उपभोक्ताले २÷३ वटा ग्यास स्टक राख्ने कुरा सुनिएको छ । त्यो गर्नुभएन त्यसोगर्दा अन्य उपभोक्ताहरुको तत्कालैको आवश्यकता पुरा गर्न चुनौती थपिन्छ ।” 

उहाँले थप्दै भन्नुभयो, “स्टक राख्दैमा समस्याको समाधान हुँदैन अहिले काम चल्ने जतिको ग्यास सिलिन्डर उपभोक्ताहरुले लिएर जानुपर्छ । पछि आवश्यकता परेको खण्डमा फेरी लिएर जानुभयो भने बजारमा ग्यासको अभाव हुँदैन ।” जिल्लाको केही ग्यास कम्पनीहरुको ग्यास वितरणमा पहिला देखि नै समस्या छ । आरती ग्यास, राजधानी ग्यास, नेपाल गण्डकी ग्यासको परिपुर्तिमा पहिला देखिनै समस्या छ । त्यसैले ति ग्यासहरु बजारमा नपाएपछि अन्य ग्यासको अभाव छ भन्न मिल्दैन्, उहाँले भन्नुभयो ।

यसैविच जिल्ला प्रशासन कार्यालय नवलपरासीका कर्मचारीहरुको नेतृत्वमा उद्योग वाणिज्य संघ नवलपरासी, घरेलु साना उद्योग नवलपरासी, प्रहरी र पत्रकारहरुको संयुक्त टोलीलाई बजारमा ग्यास अनुगमनका लागि पठाएको प्रमुख जिल्ला अधिकारी दिपक राज नेपालले बताउनु भएको छ । बजारमा रहेका ग्यास विक्रेता पसलहरुमा गएर अनुगमन गरी यथार्त तथ्यांक ल्याउन पठाएको उहाँले भन्नुभयो ।

आरती ग्यासका बजार प्रमुख  सन्दिप अग्रहरी भन्नुहुन्छ, बजारमा ग्यास अभाव नभएपनि नेपालबाट केही व्यक्तीहरु भारत पठाउने सुनिएको छ । जस्लेगर्दा सिमाक्षेत्रमा अभाव भएको होला । ग्यास विक्रेताहरुले पाउँदै आएको संख्यामा ग्यास पाउनु नै भएको छ । ग्यास उद्योग बन्द पनि नभएकोले बजारमा ग्यास अभावको हल्ला मात्रै रहेको उहाँले भन्नुभयो । तर सुरुको तुल्ना पहिला देखि नै ग्यास उत्पदानमा अलिअलि कमि आएको हो । जुन अहिलेको विश्वमा भइरहेको युद्धको कारण होइन की पहिला देखि नै उत्पादन अहिले घटाएको छौं ।

जिल्लामा १ सय बढी ग्यास विक्रेता पसलहरु छन् । तर ग्यास विक्रेता संघ नवलपरासीमा आवद्ध भएको ९५ वटा मात्रै रहेको ग्गास विक्रेता संघ नवलपरासीले जनाएको छ ।