पश्चिम नवलपरासीमा पाँचवटा शव फेला

नवलपरासी । रसुवाको भोटेकोशी नदीमा आएको बाढीले नारायणी नदीमा बगाएर ल्याएको पाँचवटा शव पश्चि नवलपरासीमा फेला परेको छ  । जिल्लाको सुस्ता गाउँपालिका–४ नारायणी नदीमा बढीले बगाएर ल्याएका ती शवहरु फेला परेको जिल्ला प्रहरी कार्यालय नवलपरासीका प्रहरी नायव उपरीक्षक एवं सूचना अधिकारी मदन थापाले बताउनु भएको छ ।

सूचना अधिकारी थापाका अनुसार चारजना महिला र एकजना बालिकाको शव फेला परेको हो । बिहान ८ बजेसम्म नारायणी नदीको बी.गैप बाँध ठोकर नं. १४ मा तीनवटा, ठोकर नं. ७ मा एकवटा र बीचमा एक वटा गरि कुल पाँचवटा शव फेला परेको उहाँले भन्नुभयो । 

नारायणी नदीले बगाएर ल्याएको शवहरु प्रहरीहरुलाई खटाएर सकेसम्म निकाल्ने प्रयासमा हामि रहेको सूचना अधिकारी थापाले भन्नुभयो ।