कार्तिक २४, २०८३
नवलपरासी पत्रकार महासंघले स्थापना दिवस मनायो
विभिन्न समयमा गठन भएका केही सरकारहरुले नागरिकको अधिकार कुण्ठित गर्ने प्रयास गरेको बताउँदै अहिलेको सरकारबाट आफूहरुले त्यो अपेक्षा नगरेको बताउनुभयो ।
नवलपरासी । नेपाल पत्रकार महासंघकाे ७१ औं स्थापना दिवस जिल्ला शाखा नवलपरासीले मनाएकाे छ । महासंघ नवलपरासीका अध्यक्ष केशव पराजुली अध्यक्षतामा महासंघले दिप प्रज्वलन गरि मनाएकाे हाे ।
वि.स. २०१२ चैत १६ गते नेपाल पत्रकार संघ भनेर गठन भएकाे थियाे । र वि.स. २०५३ जेठ २९ गते महासंघमा रूपान्तरण भएर नेपाल पत्रकार महासंघ स्थापना भइ प्रत्येक वर्ष चैत्र १६ गते देशभर स्थापना दिवस मनाइदै आएकाे छ ।
सोही क्रममा आज जिल्ला शाखा नवलपरासीले पनि परासीकाे बुद्धचोकमा दिप प्रज्ज्वलन गरेर स्थापना दिवस मनाएको हो । दिप प्रज्वलनपछि महासंघले शाखा अध्यक्ष पराजुलीकाे अध्यक्षतामा कोण सभा गरेकाे थियाे ।
कोण सभालाई सम्बाेधन गर्दै निवर्तमान अध्यक्ष हरि शर्माले नागरिकको अभिव्यक्ति स्वतन्त्रताका लागि नेपाली पत्रकारहरु जहिले पनि लड्दै आएको बताउनुभयो । विभिन्न समयमा गठन भएका केही सरकारहरुले नागरिकको अधिकार कुण्ठित गर्ने प्रयास गरेको बताउँदै अहिलेको सरकारबाट आफूहरुले त्यो अपेक्षा नगरेको बताउनुभयो ।
नागरिक अभिव्यक्ति स्वतन्त्र कुण्ठित गर्न खोजे नेपाली पत्रकारिताले जनताका लागि खबरदारी गर्ने भन्दै पत्रकारितामा भएका कानुन कार्यान्वयन र आवश्यक कानुन निर्माण गरेर नेपाली पत्रकारितालाई अघि बढाउन पनि नयाँ सरकारसँग शर्माले माग गर्नुभयो ।
कार्यक्रममा जिल्लामा सञ्चालित सञ्चार संस्थाका प्रमुख, पत्रकार, सञ्चारकर्मीलगायत रामग्राम क्षेत्रका युवाहरुको सहभागिता रहेको थियो ।
सम्बन्धित समाचार
नवलपरासीमा भन्सार छली ल्याइएको १४ लाखभन्दा बढीको मदिरा बरामद
दाउन्नेमा बस दुर्घटना पाँच जना घाइते
नवलपरासीमा हावाहुरीले बिद्युतमा क्षति, मर्मत गरि बत्ती दिने प्रयास जारी
नवलपरासीका पाँच स्थानीय तहका प्रमुख प्रशासकीय अधिकृतकाे सरूवा
