बर्दघाटमा किसानदेखि जेष्ठ नागरिकलाई ८० प्रतिशत सहुलियतमा प्याथोलोजी सेवा

नवलपरासी, १४ पुस । बर्दघाट पश्चिम् नवलपरासीको बर्दघाट नगरपालिकाले किसानहरुको स्वास्थ्य सेवाको सहजताका लागि प्याथोलोजी सेवा(ल्याब परिक्षण)मा ८० प्रतिशत सम्म छुट दिने गरी नीति तथा कार्यक्रममा समावेस गरेको छ ।

यसका लागि नगरपालिकाले आर्थिक बर्ष ०८२/८३ क बजेटमा रु १० लाख रुपैयाँ बिनियोज गरेको नगरप्रमुख शम्भुलाल श्रेष्ठले जानकारी दिनुभएकाे छ । नगर भित्र रहेका सहिद स्मृति सामुदायिक अस्पताल र चिसापानी अस्पतालबाट यो सेवा लिन सकिने छ ।

“हामिले यी दुई वटा अस्पतालहरुबाट किसान सँगै,अपाङ्ग,जेष्ठ नागरिक,एकल महिलाहरुलाई पनि यो सुबिधा प्रदान गरेका छौँ,लक्षित बर्गले यसबाट पक्कै लाभ लिनेछ्न भन्ने हाम्रो विश्वास हो”, नगर प्रमुख श्रेष्ठले भन्नुभयाे ।

मुलतः बिपन्न कृषक बर्गहरुले यो सुबिधा प्राप्त गरुन भन्ने उदेश्यलले निश्चित मापदण्डका आधारमा यो सुबिधा दिने गरिएको उहाँले बताउनु भयाे ।

फर्म दर्ता भै पान नम्बर प्राप्त गरी नगरभित्र सुचिकृत भएका कृषकहरुले मात्रै यो सेवा लिन सक्ने गरि कार्यबिधी बनेको नगर उपप्रमुख रुद्र प्रकाश उपाध्यायले बताउनु भयाे । नगरपालिकाले सोही मापदण्डका आधारमा किसान परिचय पत्र बितरण गरेको छ ।