आजदेखि नवलपरासीमा निषेधाज्ञा र कर्फ्यु हट्याे

नवलपरासी, २९ भदौ । पश्चिम नवलपरासीमा लगाइएकाे निषेधाज्ञा र कर्फ्यु आज (आइतबार) बिहान ६ बजेदेखि हटाइएकाे छ ।

विकसित घटनाक्रम र शान्ति सुरक्षाकाे अवस्थालाई मध्यनजर गरि लगाइएको निषेधाज्ञा र कर्फ्यु हटाइएकाे प्रमुख जिल्ला अधिकारी हिरालाल रेग्मीले जानकारी दिनुभएकाे छ । उहाँ द्वारा हस्ताक्षरित पत्रमा लेखिएको छ निषेधाज्ञा तथा कर्फ्यु आदेश भदौ २९ गते आइतबार बिहान ६ बजेदेखि हटाइएको छ ।

भदाै २४ गते जिल्लामा जेनजी समुहले गरेकाे प्रदर्शनपछि निषेधाज्ञा र कर्फ्यु लगाइएकाे थियाे ।