पश्चिम नवलपरासीमा एकाउन्न वडाहरु बाढीको जोखिममा

नवलपरासी, साउन २८ । पश्चिम नवलपरासीको सातवटै पालिकाको एकाउन्न वटा वडाहरु बाढी डुबानको जोखिममा रहेका छन । वर्षा मनसुन सुरु भएलगतै नवलपरासीमा बाढीले डुबाउँछ भन्ने चिन्ता स्थानीयलाई सताउने गर्दछ ।

जिल्ला विपद व्यवस्थापन समितिको बसेको बैठकले जिल्लाको सातवटै पालिकाबाट लिएको तथ्यांकको आधारमा एकाउन्नवटै वडाहरुलाई जोखिमको आधारमा ४ भागमा स्तरीकरण गरिएको जिल्ला प्रशासन कार्यालय नवलपरासीका प्रमुख जिल्ला अधिकारी (सीडिओ) हिरालाल रेग्मीले बताउनु भएको छ । अति उच्च, उच्च, मध्यम र न्यून संकटासन्न गरि स्तरीकरण गरिएको रेग्मीले भन्नुभयो । जस्मा सबैभन्दा बढि तथा अति उच्च जोखिममा (अति उच्च संकटासन्न) चारवटा गाउँपालिकाहरु रहेको छ । पाल्हीनन्दन गाउँपालिका, सरावल गाउँपालिकाm प्रतापपुर गाउँपालिका र सुस्ता गाउँपालिका बाढीको उच्च जोखममा रहेको छ । पाल्हीनन्दनको १,३,६ सरावलको ६,७ प्रतापपुरको ६,८ र सुस्ता गाउँपालिकाको ३,४,५ वडा डुबानको अति उच्च जोखिममा छ ।

त्यसैगरी उच्च जोखिम (उच्च संकटासन्न) मा बर्दघाट नगरपालिकाको १३,१५ रामग्राम नगरपालिकाको १,२,३,५,६,१७,१८ प्रतापपुर गाउँपालिकाको ३,६,८ र पाल्हीनन्दन गाउँपालिकाको २ नं. वडा बाढीको उच्च जोखिममा रहेको छ । मध्ययम जोखिममा (मध्यम संकटासन्न) बर्दघाटको ४,१२,१४,१६, सरावलको २,३,४,५ सुनवलको ४,९,१०,११,१२,१३ रामग्रामको १०,१२, १५,१६ प्रतापपुरको १,२,४,७ सुस्ताको १,२ र पाल्हीनन्दनको ५ नं. वडा रहेको जिल्ला प्रशासन कार्यालय नवलपरासीले जनाएको छ । र न्युन जोखिममा बर्दघाट नगरपालिकाको २,११ प्रतापपुरको ८,९ सरावलको १ र पाल्हीनन्दन गाउँपालिकाको ३,४ वडा रहेको छ । यो संगै नवलपरासीमा २५ सय घरधुरी बाढी डुबानको जोखिममा रहेको सीडियो रेग्मीले भन्नुभयो छ ।

तर डुबानबाट जोगाउन तथा उद्धार कार्यका लागि तयारी अवस्थामा रहेको सिडिओ रेग्मीले भन्नुभएको छ । उहाँ भन्नुहुन्छ, “हामि तयारी अवस्थामा छौं विगतका वर्षहरुको बाढी जोखिमको समिक्षा गर्दै जिम्मेवार सबै संघसंस्था तथा निकायहरु आ–आफ्नो जिम्मेवारीका साथ तयारी अवस्थामा छौं ।”