गुणस्तरीय स्वास्थ्य सेवा आजको अपरिहार्यताः स्वास्थ्यमन्त्री सारु

नवलपरासी, १० साउन । लुम्बिनी प्रदेशका स्वास्थ्यमन्त्री खेम बहादुर सारुले गुणस्तरीय सेवा प्रदान गर्न बताउनु भएको छ ।

पश्चिम नवलपरसीको सदरमुकाम स्थित पृथ्वी चन्द्र अस्पतालको नवनिर्मित ५० शैया भवनको उद्घाटन कार्यक्रमलाई सम्बोधन गर्दै स्वास्थ्यमन्त्री सारुले गुणस्तरीय स्वास्थ्य सेवाको आजको अपरिहार्यतालाई ध्यानमा राखेर विरामीहरु लाई सेवा दिनुपर्ने बताउनु भएको छ । उहाँले भन्नुभयो, पृथ्वीचन्द्र अस्पतालमा हार्डवेयर (भौतिक) सुविधा प्रयाप्त भईसकेकोले अब नागरिकहरुलाई गुणस्तरीय सेवा तर्फ ध्यान दिनुपर्ने रहेको छ । स्वास्थ्यमा सबैको साँझा पहुँचका साथै सबै नागरिकहरुले समान सेवा पाउनुपर्छ । सेवा प्रदानका लागि जनशक्ति, औषधी र उपकरण पनि प्रमुख विषय हो । जसका लागि पदेश सरकार निरन्तर लागि रहेको उहाँले बताउनु भयो । स्वास्थ्य सेवमा सबैको पहुँच पु¥याने सरकारको दायित्व अनुसार नै हामि लागेको उहाँले भन्नुभयो ।

एक सय १४ वर्ष पुरानो इतिहास बोकेको पृथ्वी चन्द्र अस्पतालले नयाँ भवन संगसगै थप सेवा विस्तार गरेको छ । अस्पतालले अहिले आँखाको उपचार र डायलिसिस सेवा समेत आजदेखि सञ्चालनमा ल्याएको छ । अस्पतालको थप सेवा विस्तारले यहाँका स्थानीयहरुको उन्नती, प्रगती र समाजिक विकास हुने मन्त्री सारुले भन्नुभएको छ । अस्पतालले प्रदेश सरकारलाई बालरोग विशेषज्ञ र साइकेट्रिस्टक सेवा सुचारुका लागि ध्यानकर्षण गराए अनुसार निकट भविष्यमै उक्त सेवाहरु सुचारु हुने मन्त्री सारुले प्रतिवद्धता गर्नुभएको छ ।

अस्पतालले २४ चिकित्सक सहित १४ प्रकारका विशेषज्ञ सेवाहरु प्रदान गर्दै आएको अस्पतालका मेडिकल सुपरिटेन्डेन्ट डा.मोहम्मद नुरुल होदाले बताउनु भएकाो छ । अस्पतालमा आइ.सि.यु सहितको सघन उपचारका लागि नर्सिङ्ग मेडिकल अफिसर र कार्यालय सहयोगिको आवश्यकता रहेको बताउनु भएको छ । अस्पतालमा अहिले ५९ जनाको जनशक्ति रहेको छ । तर यसलाई ओएनम सर्वेसंगै ७१ जना जनशक्ति व्यवस्थापन गर्न डा. होदाले प्रदेश सरकारसंग माग गर्नुभएको छ ।