विरामी रेफर नर्गन मुख्यमन्त्री आर्चायको निर्देशन

नागरिकहरुलाई सहज र सर्वसुल्भ सेवाका लागि जटिल तथा हुनैनसक्ने उपचार बाहेक सबै सेवाहरु यथास्थानबाट प्रदान गर्नुपर्छ

नवलपरासी, साउन १० । लुम्बिनी प्रदेशका मुख्यमन्त्री चेतनारायण आर्चायले पश्चिम नवलपरासीको सदरमुकाम स्थित पृथ्वी चन्द्र अस्पतालको ५० शैयाको नवनिर्मित भवन उद्घाटन गर्नुभएको छ ।

शनिवार एक कार्यक्रम विच नवनिर्मित भवन उद्घाटन गर्दै मुख्यमन्त्री आर्चालये चिकित्सकहरुले विरामीहरुलाई रेफर नगर्न निर्देशित गर्नुभएको छ । पछिल्लो समय धेरै ठाउँबाट विरामीहरुलाई चिकित्सकहरुले उपचार गर्नुभन्दा रेफर गर्न आनन्द मान्ने गुनासो बढेपछि अव उपरान्त यस्तो कार्य नगर्न उहाँले सबै चिकित्सकहरुलाई भन्नुभएको छ । नागरिकहरुलाई सहज र सर्वसुल्भ सेवाका लागि जटिल तथा हुनैनसक्ने उपचार बाहेक सबै सेवाहरु यथास्थानबाट प्रदान गर्न उहाँले भन्नुभयो । आर्थिक अवस्था कमजोर भएका विरामीहरुलाई सहज र सस्तो उपचार सेवा आफ्नै ठाउँबाट प्रदान गर्न उहाँ भन्नुभयो । सुविधासम्पन्न बनेको नवनिर्मित ५० शैयाको अस्पताले थप सेवाहरु विस्तार गर्दै विरामीहरु बाहिर जानु पर्दैन । उहाँले भन्नुभयो, यहाँका सेवाग्राहीहरुको आर्थिक अवस्था कमजोर छ । जस्ले वाहिर गएर उपचार गराउन आर्थिक रुपमा असमर्थ हुनुहुन्छ । त्यो कुरालाई प्रदेश सरकारले राम्रैसंग मन्न गर्दै अस्पताललाई आँफैमा आत्मनिर्भर बनाउनका निम्ति हरेक क्षेत्रका विशेषज्ञ सेवाहरु सञ्चालनमा ल्याउन प्रदेश सरकारको स्वास्थ्य मन्त्रालयले धेरै पहलकद्मीहरु लिएको छ ।

मुख्यमन्त्री आर्चायले पृथ्वी चन्द्र अस्पतालमा आवश्यक अन्य विशेषज्ञ सेवाका लागि प्रदेश सरकारबाट गर्नुपर्ने कुरामा हामि त्यसको पहलकद्मी लिने बताउनु भएको छ । जिल्ला अस्पतालको रुपमा रहेको पृथ्वी चन्द्र अस्पताललाई विकास तथा सेवा प्रदान गर्नका लागि प्रदेश सरकारबाट कुनै पनि कमि नहुने भन्नुभयो । यसैगरि पश्चिम नवलपरासीको सम्पुर्ण क्षेत्रमा विकासका लागि प्रदेश सरकारको गम्भिर ध्यानकर्षण भएको समेत उहाँले बताउनु भयो ।