बेलाटारी, असार २२ । पश्चिम नवलपरासीको नारायणी नदिमा आएको बाढीले एकजनालाई बगाएको छ । जिल्लाको सुस्ता गाउँपालिका ५ सकरदिनई बस्ने ३३ वर्षीय अर्जुन चमारमा लाई नारायणी नदिको बाढीले बगाएको छ ।
नारायणीको बाढीले बगाएर ल्याएको दाउरा टिप्ने क्रममा अर्जुनलाई बाढीले बगाएर वेपता बनाएको जिल्ला प्रहरी कार्यालयका सूचना अधिकारी एवं प्रहरी नायव उपरीक्षक रेशम बोहराले बताउनु भएको छ । हालको उनको खोजीकार्य भईरहेको तर फेला नपरेको बोहराले भन्नु भएको छ । लगातारको वर्षाले नारायणीमा बाढी सहित दाउराहरु पनि आएको छ । उक्त दाउराहरु टिप्नका लागि स्थानीयहरुको भिड समेत लाग्ने गर्छ । तर प्रहरीले स्थानीयलाई बाढीमा आएको दाउरा टिप्न रोक्ने प्रयास गर्दा पनि अटेर गरेर दाउरा टिप्ने गरेको जिल्ला प्रहरी कार्यालयले जनाएको छ ।
नारायणीमा प्रत्येक वर्ष आउने बाढीले दाउरा टिप्ने वा माछा मार्ने क्रममा मान्छेहरु लाई बगाउने गरेको छ ।
