परासी , १९ असार : पश्चिम नवलपरासीकाे बर्दघाटमा ४ पसलमा आगलागी हुँदा ३७ लाख पाँच हजारकाे क्षति भएकाे छ । आगलागी बाट एक जना घाईते पनि भएका छन् ।
बर्दघाट नगरपालिका वडा नम्बर ४ बस्ने बम बहादुर थापाकाे घरमा साेहि नगरपालिका वडा नम्बर १० बस्ने सुरज चाैधरिले संचालन गर्दै आएकाे आशिष् फाेटाे स्टुडियाे पसल बाट आगलागी शुरू भएकाे हाे । आगाेलाई निभाउने क्रममा स्टुडियाे कै व्यक्ति आशिष चाैधरि आगाे बाट समान्य घाईते भएकाे जिल्ला प्रहरी कार्यालयले जनाएकाे छ । उनकाे अनुहारमा आगाेले पाेल्दा घाईते भएका हुन । फाेटाे स्टुडियाेमा खाजा बनाउने क्रममा आगलागी भएकाे हाे । दिउसाे करिब ४ बजेकाे समयमा फाेटाे स्टुडियाेमा खाजा पकाउँदा ग्यमस लिक भएर आगाे सल्केकाे जिल्ला प्रहरी कार्यालय पश्चिम नवलपरासीका सूचना अधिकारी एंव डिएसपी भमेजराज पाण्डेले बताउनु भएकाे छ । आगाे नियन्त्रणमा आईसकेकाे प्रहरी जनाएकाे छ ।
आगलागीले ४ वटा पसलमा क्षति भएकाे पाण्डेले भन्नू भयाे । आगलागी बाट आशिष फोटो स्टुडियो पुर्ण रुपमा जलेकाे छ भने बर्दघाट न.पा. ४ लक्ष्मीनगर बस्ने बर्ष ३० को दुर्गा न्यौपानेको पर्बत युनिक फेन्सी पसल, साेहि ठाउँमा बस्ने बर्ष ४८ को शिवराज चौधरीको रबिन फार्मेसी र बर्दघाट न.पा. १६ कुकुरमारा बस्ने बर्ष ३३ की पुजा सोनीको जे.के. सैलुनमा आंशिक क्षति भएकाे जिल्ला प्रहरी कार्यालय पश्चिम नवलपरासीले बताएकाे छ ।
