काठमाडौं, साउन २९ । राष्ट्रिय स्वतन्त्र पार्टीकी सांसद सोविता गौतमले हवाई क्षेत्रमा नेपालको नियामक निकाय फेल भइसकेको बताउनु भएकाे छ ।
मंगलबार प्रतिनिधिसभा बैठकको आकस्मिक समयमा बोल्दै उहाँले जनताको ज्यान जाने विषय पटक-पटकको सत्ताको खेलजस्तो नभएको बताउनु भयाे । ‘संसदमा छैटौँपटक यो कुराको उठान गर्दै छु । पटक-पटक मन्त्रीहरूलाई सोधेको, नियामक निकाय र उडान गर्ने निकाय फरक-फरक बनाउने विधेयक कहिले आउँछ ? लापर्बाही पटक-पटक हुन्छ । कति जनाले हवाई यात्रा गर्दा ज्यान गुमाउनुपर्ने हो ?,’ उहाँले भन्नुभयाे ।
विमानस्थल नयाँ बनाउने र भएकाको स्तरोन्नति गर्ने काम भए पनि प्राविधिक रूपमा गर्नुपर्ने खर्च नगरेको उनले बताउनु भयाे।
