परासी, कात्तिक १६ । पश्चिम नवलपरासीमा स्रोत नखुलेको रकम सहित एक जनालाई पक्राउ गरिएको छ । जिल्लाको रामग्राम नगरपालिका वडा नं. ७ उजैनी स्थित परासी महेशपुर सड्क खण्ड बाट पक्राउ गरिएको हो ।
जिल्लाको पाल्हीनन्दन गाउँपालिका वडा नं. २ वस्ने २५ वर्षिय ईमरान खानलाई चेकजाँच गर्दा १६ लाख ५० हजार नेपाली रुपैयाँ सहित पक्राउ परेको जिल्ला प्रहरी कार्यालयका सूचना अधिकारी एवं प्रहरी नायव उपरीक्षक रेशम बोहराले बताएका छन् । लु ९० प ७८८५ नं. को पल्सर मोटरसाईकलमा महेशपुरबाट परासी तर्फ आउँदै गरेका इमरानलाई प्रहरीले चेकजाँच गर्दा कालो रंगको झोलामा उक्त रकम फेला परेको हो ।
यस्तै उक्त रकम र मोटरसाईकल सहित आवश्यक कार्यावाहीको लागि भैरहवा भन्सार कार्यालय पठाउने तयारी भईरहेको र थप अनुसन्धान समेत भईरहेको सूचना अधिकारी बोहराले भने । पछिल्लो समय यस्ता गतिविधीहरु पश्चिम नवलपरासीमा बढदै गएको छ ।
