काठमान्डाैं, कात्तिक १३ । आईसीसी टी-२० विश्वकप एसिया फाइनल छनोटमा नेपालले सिंगापुरविरुद्ध टस हारेको छ । टस जितेको सिंगापुरले पहिले ब्याटिङ रोज्दै नेपाललाई फिल्डिङको निम्तो दिएको छ ।
त्रिवि क्रिकेट मैदानमा सिंगापुरका कप्तान अरित्र दत्तले टस जित्दै ब्याटिङ गर्ने निर्णय लिएका हुन् ।
नेपाली क्रिकेट टिमले सानदार खेल खेल्ने प्रयत्नमा रहेकाे छ । हालै सम्पन्न त्रिदेशीय टी- २० सिरिजको फाइनलमा चुके पनि नेपालले समूह चरणमा उच्च प्रदर्शन गरेको थियो । खेलाडीहरू पनि लयमै देखिएका छन् ।
सन्दीप लामिछाने टोलीमा फर्किएका छन् । रोहित पौडेलको कप्तानीमा मैदानमा उत्रिने नेपालका लामिछानेसहित दीपेन्द्रसिंह ऐरी, गुल्सन झा, रोहित पौडेल, कुशल मल्ल, सोमपाल कामी, करण केसी तथा ललित राजवंशी म्याच विनर खेलाडी बन्न सक्छन् ।
