बुटवल, साउन ७ । लुम्बिनीको मुख्यमन्त्रीका लागि नेकपा (एमाले)का लुम्बिनी प्रदेश संसदीय दलका उपनेता चेतनारायण आचार्यले दाबी पेस गर्नुभएकाे छ ।
आचार्य लुम्बिनी प्रदेशको मुख्यमन्त्री बन्नका लागि प्रदेश प्रमुखसमक्ष दावी पेस गर्नु भएकाे छ । नेपाली कांग्रेस र नेकपा एमालेका ५६ जना सांसदको हस्ताक्षरसहित सोमबार प्रदेश प्रमुखको कार्यालय बुटवलमा प्रदेश प्रमुख अमिक शेरचनसमक्ष दावी पेस गरिएको हो । लुम्बिनी प्रदेशमा सरकारको नेतृत्व पहिले एमालेले गर्ने सहमति भएपछि सोमबार एमालेका उपनेता आचार्यले मुख्यमन्त्रीमा दावी पेस गर्नुभएको हो ।
त्यसअघि मुख्यमन्त्री जोखबहादुर महराले आइतबार प्रदेश सभामा सम्बोधन गर्नुहुँदै राजीनामा दिएसँगै मुख्यमन्त्रीको पद रिक्त भएको थियो । प्रदेश प्रमुख शेरचनले संविधानको धारा १६८ को उपधारा २ बमोजिमको नयाँ सरकार गठनका लागि आज साँझ ६ बजे सम्मको समय सीमा दिएर दलहरुलाई आह्वान गर्नुभएको थियो ।
