राैतहट, चैत्र २ । रौतहटमा लुटेराकाे गाेली प्रहारबाट शिवम् मनी ट्रान्सफरका सञ्चालक गम्भीर घाइते भएका छन् । गाेली लागेर घाइते भएका नितेश शाहलाई थप उपचारका लागि वीरगञ्ज पठाइएकाे छ ।
परोहा नगरपालिका– ९, खापचोकस्थित शिवम् मनी ट्रान्सफरकाे कार्यालयमा लुटपाट भएको हाे । गाउँलेहरूले लुटेराहरूलाई पक्रेर प्रहरीलाई बुझाएका छन् । पक्राउ परेका तीन जना भारतीय नागरिक हुन् । प्रहरीका अनुसार भारतकाे बिहार माेतिहारीका मुनिष यादव, राजकुमार पासवान र चन्द्रभान सिंहलाई गाउँलेहरूले पक्रेर प्रहरीलाई बुझाएका हुन् ।
उनीहरूकाे साथबाट रकमसहितकाे झाेला पनि बरामद भएकाे छ ।
