बर्दघाट, साउन १७ । बर्दघाट नगरपालिकाले हरेक दिन राष्ट्रिय गानपछि सेवाग्राहीलाइ सेवा दिने गरेकाे छ । कार्यालय समय सुरु भएपछि कर्मचारी र जनप्रतिनिधिहरू राष्ट्रियगानमा सरिकभएपछि मात्रै सेवा दिने गरिएको छ ।
कार्यालय प्राङ्गणमा स्पिकर लगाएर सयौँ थुँगा फूलका हामी एउटै माला नेपाली राष्ट्रिय गान गाएर कार्यालयकाे सेवा दिने कार्य थालिएको नगरप्रमुख शम्भुलाल श्रेष्ठले जानकारी दिनुभएकाे छ । हरेक दिन कार्यालय समय प्रारम्भ हुनेवित्तिकै जनप्रतिनिधि कर्मचारी र नगरप्रहरीहरू लाइनमा बसेर राष्ट्रिय गान गाउने गरेका छन् । नगरपालिकाले हरेक दिन ठिक १०ः०० बजे सबै कर्मचारीहरूको उपस्थितिमा राष्ट्रप्रति सम्मान जनाउँदै आएको छ ।
राष्ट्रिय गानमा सहभागी हुनुपर्ने भएपछि कर्मचारी हरू पनि ठिक समयमै उपस्थिति हुने हुँदा यो अभ्यास सकारात्मक हुने प्रमुख प्रशासकीय अधिकृत प्रकाश खनालले बताउनु भयो ।
