काठमाडौँ, जेठ १८ । जल तथा मौसम विज्ञान विभागका अनुसार यस वर्षको मनसुन नेपाल भित्रिन १० दिन लाग्छ । नेपाल भित्रने मनसुन भारतको केरला आइपुगेको छ।
विभागका मौसमविद् रोजन लामिछानेका अनुसार केरला आइपुगेको मनसुन नेपाल प्रवेश गर्न १० दिन सम्ममा लाग्नेछ । उहाँका अनुसार गत वर्ष केरला आइपुगेको मनसुन १० दिनमा नेपाल आइपुगेको थियो ।
गत वर्ष नेपालमा मनसुन जुन १४ (जेठ ३१ गते) मा भित्रिएको मौसमविद् लामिछाने बताउनुभयो । गत वर्ष अक्टोबर १५ (असोज २८) मा मनसुन बाहिरिएको थियो । बङ्गालदेखि मेघालय हुँदै आसामतिर बाट मनसुन नेपाल भित्रने उहाँको भनाइ छ ।
