काठमान्डाैं, पुस २ । भोलि बुधरबार सुदूरपश्चिम र जनकपुरकाे खेलपछि क्वालिफायर १ र एलिमिनेटर विजेताको टुङ्गो लाग्ने छ । पहिलो खेल क्वालिफायर १ बिहान ९ः१५ बजे सुरु हुने छ, जसमा सुदूरपश्चिम रोयल्स र जनकपुर बोल्ट्स आमने–सामने भिड्ने भएका छन् ।
प्लेअफ समीकरण टुङ्गो लागेपछि नेपाल प्रिमियर लिग (एनपीएल) मा आज मंगलबार कुनैपनि खेल छैन् । क्वालिफायर १ मा जित्ने टोली सिधै फाइनलमा पुग्ने छ भने हार्ने टोलीका लागि अर्को एक मौका हुने छ । हार्ने टोलीले भोलि दिउँसो १ः१५ मा हुने एलिमिनेटर विजेतासँग पर्सि प्रतिस्पर्धा गर्ने छ । एलिमिनेटर प्रतिस्पर्धामा चितवन राइनोज र कर्णाली याक्स मैदान उत्रनेछन् । लिग चरणको भेटमा कर्णालीले चितवनमाथि ७ रनको जित निकालेको थियो ।
एलिमिनेटर प्रतिस्पर्धामा जित्ने टिमले पर्सि क्वालिफायर १ मा हार्ने टिम जनकपुर वा सुदूरपश्चिममध्ये एकसँग खेल्ने छ । त्यो क्वालिफायर २ हुने छ । क्वालिफायर २ मा जुन टिमले जित्छ त्यो फाइनलमा पुग्ने छ । शिलापत्र
