सप्तरी, मङ्सिर १२ गते । सप्तरीमा प्रहरीले बन्दुक र बन्दुकमा लाग्ने गाेलीसहित दुइजना युवालाइ पक्राउ गरेकाे छ । सशस्त्र सीमा सुरक्षा गण–६ सप्तरीले एक बन्दुक र ५ राउन्ड राइफलको गोलीसहित पक्राउ गरेको छ ।
सिराहाको लक्ष्मिपुर पतारीका १९ वर्षका धर्मजित कुमार यादव र सप्तरीको खडक नगरपालिका ११ बनौलीका १८ वर्षका हरिशंकर यादवलाइ प्रहरीले पक्राउ गरेकाे जनाएकाे छ । उनिहरू लाइ जिल्लाको खडक नगरपालिका वडा नं.११ बनौलीस्थित हुलाकी सडक खण्डबाट पक्राउ गरिएको सप्तरी प्रहरीका प्रवक्ता ढुन्डीराज न्यौपानेले जानकारी दिएका छन्।
धर्मजितको साथबाट ५ राउण्ड राईफलको (३०३) गोली फेला परेको र निजको साथमा रहेको हरिशंकरलाई पनि नियन्त्रणमा लिएको प्रवक्ता न्यौपानेले बताए । पक्राउ परेका दुबैजनामाथि मुलुकी अपराध संहिता २०७४ अन्तर्गत हात हतियार तथा खरखजाना सम्बन्धी कसूरमा सप्तरी जिल्ला अदालतबाट तीन् दिनको म्याद थप गरी अनुसन्धान कार्य भइरहेको प्रहरीले बताएकाे छ । गाेरखापत्र दैनिक अनलाइन
