नवलपरासी, साउन २१ । पूर्वी नवलपरासीकाे त्रिवेणीमा मोटरसाइकल दुर्घटना हुँदा एक जना भारतीय नागरिकको मृत्यु भएको छ भने अर्का एकजना गम्भीर घाइते भएका छन् ।
आज बिहान त्रिवेणीधामबाट भारततर्फ जाँदै गरेको ५६ ए ९२१२ नम्बरको मोटरसाइकल अनियन्त्रित भइ विनयी त्रिवेणी गाउँपालिका–६ साहुमारास्थित अम्चुरखोलामा खस्दा भारतको महाराजगञ्ज निचलौल टोल ओडवलियाका ४० वर्षीय प्रकाश भारतीको घटनास्थलमा नै मृत्यु भएको हो । उक्त दुर्घटनामा परी सोही स्थानका २८ वर्षीय अशोक राजभार गम्भीर घाइते भएका छन् ।
घाइतेकाे पश्चिम नवलपरासीकाे परासी स्थित पृथ्वीचन्द्र जिल्ला सरकारी अस्पतालमा उपचार भइरहेको जिल्ला प्रहरी कार्यालय पूर्वी नवलपरासीका प्रहरी नायब उपरीक्षक वेदबहादुर पौडेलले बताउनु भएकाे छ ।
