एजेन्सी, माघ १७ । रुसका राष्ट्रपति भ्लादिमिर पुटिन पाँचौँपटक राष्ट्रपतिको निर्वाचन लड्ने पक्का भएको छ । सोमबार मात्र पुटिनले उम्मेदवारी दर्ता गराएका थिए । त्यहाँको निर्वाचन आयोगले पुटिनले उमेदवारी दिनु भएकाे पुष्टि गरेकाे छ ।
रुसमा आगामी मार्च १५ देखि १७ तारिखसम्म राष्ट्रपतिको निर्वाचन हुँदै छ । तर, अहिलेसम्म पुटिनविरुद्ध कसैले पनि उम्मेदवारी दर्ता गराएका छैनन् । पश्चिमा राष्ट्रहरूका अनुसार सन् २००० मा जब पुटिन पहिलोपटक देशको राष्ट्रपति बने तबदेखि रुसमा निष्पक्ष निर्वाचनको आयोजना भएको छैन ।
पुटिनका लागि निर्वाचन औपचारिकता मात्र भएको पश्चिमा राष्ट्रको टिप्पणी छ । पुटिनले जे चाहारे रुसमा त्यही हुने उनीहरू बताउँछन् । यो पनि आरोप छ कि पुटिनले कहिले पनि लोकतन्त्र स्वीकार गर्नु भएकाे छैन्, जसकारण निर्वाचनका बेला त्यहाँ परीवेक्षकले अनुमति नै पाएका छैनन् ।
हाल रुसले युक्रेनमा आक्रमण गरिरहँदा पश्चिमा राष्ट्रहरू खुलेरै युक्रेनको पक्षमा उभिएका छन् । पुटिन सन् २०३६ सम्म रुसको राष्ट्रपति बन्ने पनि चर्चा छ । रुसमा सबै शक्ति राष्ट्रपतिको हातमा हुन्छ । प्रधानमन्त्री पनि राष्ट्रपतिले नै नियुक्त गर्छ । त्यहाँ राष्ट्रपतिको अनुमतिपछि मात्र राजनीतिक पार्टी दर्ता गरिन्छ । शिलापत्र अनलाइन
