धादिङ, साउन २१ । पृथ्वीराजमार्ग अन्तर्गत धादिङको गजुरी नजिकै बाङ्गेमा सडक माथिबाट पहिरो खस्दा राजमार्ग अवरुद्ध भएको छ । गजुरी नजिकै बाङ्गेमा सुख्खा पहिरो खसेको हो ।
गुडिरहेको माइक्रो बसमाथि रुख खस्दा ७ जना यात्रु घाइते समेत भएका छन् । घाइतेहरुलाई उपचारका लागि गजुरी अस्पताल लगिएको छ । माइक्रोमा १५ यात्रु सवार रहेका थिए ।
सुख्खा पहिरो खसिरहेकोले राजमार्ग अवरुद्ध बनेपछि राजधानी काठमाडौँ जाने आउने सवारीसाधन रोकिएका छन् ।
