परासी, साउन १७ । पश्चिम नवलपरासीमा ७१ जना डेंगुका विरामी भेटिएका छन् । डेंगुका विरामी भेटिएपछि जिल्लामा सर्तकता अपनाउन आग्रह समेत गरिएको छ ।
जिल्लामा गत साउनदेखि अहिले सम्म ७१ जना डेंगुका विरामी भेटिएको जिल्ला स्वास्थ्य कार्यालय नवलपरासीले जनाएको छ । जिल्लाको बर्दघाट नगरपालिकामा सबै भन्दा बढि डेंगुका विरामी भेटिएको जिल्ला स्वास्थ्य कार्यालय नवलपरासीका प्रमुख ओम प्रकाश पन्थीले बताउनु भएको छ । उहाँका अनुसार बर्दघाट नगरपालिकामा ४७, रामग्राममा २१ र पाल्हीनन्दनमा ३ जना डेंगुका विरामी भेटिएका छन् । उनीहरु उपचार गराएर सञ्चो समेत भईसकेको पन्थीले भन्नु भएको छ । सात वटा स्थानीय तह भएको उक्त जिल्लामा अहिले सम्म तीनवटा पालिकामा मात्रै डेंगुका विरामी भेटिएको भन्नु भएको छ । भने सुनवल नगरपालिका, सरावल, प्रतापपुर र सुस्ता गाउँपालिकामा डेंगुका विरामी नभेटिएको पाईएको छ ।
स्वास्थ्य कार्यालये दिएको तथ्याङ्क अनुसार आ.व.०७८÷०७९ मा एक जना, ०७९÷०८० मा ३ सय १५ जना र ०८०÷०८१ म ७१ जना डेंगुका विरामी भेटिएका हुन् । आ.व. ०७९÷०८० को तुल्नमा अहिले कम देखिएपनि सर्तकर्ता अपनाउनु पर्ने आवश्यक रहेको स्वास्थ्य कार्यालयका वरिष्ठ मलेरिया निरीक्षक देविलाल पौडेलले बताउनु भएको छ ।
