Wednesday, June 12, 2024
घरसमाचारनेपालगन्जमा शान्ति र सद्भाव र्‍याली

नेपालगन्जमा शान्ति र सद्भाव र्‍याली

- Advertisement -spot_img

बाँके, असोज १६ गते । शान्ति र सद्भावको अपिल सहित नेपालगन्जमा मङ्गलबार बिहान सद्भाव र्‍यालीको आयोजना गरिएको छ । 

नेपालगन्जको बिपी चोकबाट सुरु भएको र्‍यालीमा धर्मगुरुहरू, राजनीतिक दल, नागरिक समाज, पेसाकर्मी, राष्ट्रसेवक कर्मचारी लगायतको सहभागिता रहेको थियो । धम्बोझी चोकमा आयोजित सद्भाव सभामा हिन्दु धर्मगुरु चन्द्रनाथ योगीले नेपालगन्जमा अहिले पनि शान्ति र सद्भाव रहेको भन्दै कोही पनि विचलित हुने गरी गलत क्रियाकलापमा सहभागी नहुन आग्रह गर्नुभयो । 

बागेश्वरी मन्दिरका मूल महन्त समेत रहनुभएका योगीले भन्नुभयो, ‘ शान्ति र सद्भावमा नमुना भएका कारण केही गलत व्यक्तिका आँखा लागेका छन्, सबै जना सचेत होऔँ । ’ उहाँले कोही पनि अराजक बन्न नहुने भन्दै सामाजिक सद्भावको पक्षमा एकजुट हुन आग्रह गर्नुभयो । हिन्दु समुदायले उठाएका मागहरू कानुन अनुसार कार बाईँको प्रक्रियामा नगए आफू पनि आन्दोलनमा सहभागी हुने भन्दै कानुन अनुसार अघि बढ्न सुझाव दिनुभयो । 

मुस्लिम धर्मगुरु मौलाना जब्बार मञ्जरीले नेपालगन्जले देश विदेशमा शान्ति र सद्भावको सन्देश दिइएको भन्दै सम्पूर्ण नगरवासी सचेत भई एकजुट हुनुपर्ने बताउनुभयो । शारीरिक अस्वस्थताका बावदुत पनि लाठी टेक्दै हिन्दु धर्मगुरु योगीको हात समाउँदै र्‍यालीमा मञ्जरीले भन्नुभयो, ‘ द्वन्द्व हामी कसैको हित हुँदैन, सद्भाव बलियो बनाउन सबै जना लागौँ । ’

नेपालगन्ज उप–महानगरपालिकाका प्रमुख प्रशान्त विष्टले नेपालगन्जमा मङ्गलबार आयोजना गरिएको बन्द फिर्ता भएको जानकारी दिदैं कानुन अनुसार गलत गतिविधि गर्नेलाई कार बाईँको दायरामा  ल्याउन माग गर्नुभयो । बाँकेका प्रमुख जिल्ला अधिकारी विपिन आचार्यले कानुन उल्लङ्घन गर्ने जो काहीँ पनि तत्काल कार बाईँको दायरामा आउने बताउनुभयो । 

सामाजिक सञ्जालमा धर्म, समुदाय विरुद्ध अभिव्यक्ति दिइएको भन्दै आइतबार नेपालगन्जमा एकाएक प्रदर्शन भएपछि त्यसको प्रतिक्रिया स्वरूप नेपालगन्जमा मङ्गलबार बन्दको आव्हान गरिएपछि सोमबार बसेको सर्वदलीय तथा सर्वपक्षीय बैठकको निर्णय अनुसार सद्भाव र्‍याली निकालिएको हो । गोरखापत्र

spot_img
spot_img
- Advertisement -spot_img
- Advertisement -spot_img
- Advertisement -spot_img
Stay Connected
16,985प्रशंसकजस्तै
2,458अनुयायीहरूलाईपालन
61,453ग्राहकहरुसदस्यता
Must Read
- Advertisement -spot_img
- Advertisement -spot_img
सम्बन्धित समाचार
- Advertisement -spot_img

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्