परासी, असाेज १२ । पश्चिम नवलपरासीकाे सुस्ता गाउँपालिका ५ सुस्तामा नारायणीकाे बाढी पसेकाे छ ।
सुस्ताकाे थारू टाेलमा बाढी पसेकाे स्थानीय एवं सुस्ता बचाउ अभियानका प्रवक्ता रविन्द्र जैसवालले बताउनु भएकाे छ । अविरल वर्षाका कारण आएकाे नारायणीकाे बाढी सुस्तामा पसेकाे हाे । बाढीले थारू टाेलमा १५ भन्दा बढी घरहरू डुबानमा परेकाे जैसवालले बताउनु भएकाे छ । अहिले त्यहा स्थानीयहरू लाई सुरक्षित भएर बस्न आग्रह समेत गरिएको उहाँले भन्नू भएकाे छ ।
तीन तिर बाट भारत र एकतिर बाट नेपालकाे नारायणीले सुस्तालाई घेरेकाे छ । अविरल वर्षले नारायणी नदीमा पानीकाे सतहले खतराकाे तह पार गरेकाे छ । विहान करिब ११ बजेदेखि नै व्यारेजका सबै (३६) ढाेकाहरू खाेलिएकाे नवलपरासी पश्चिमका प्रमुख जिल्ला अधिकारी स्किम श्रेष्ठले बताउनु भएकाे छ ।
अहिले व्यारेजमा पानीकाे सहत ४ लाख क्यूसेक भन्दा बढी पुगेकाे छ । लगातारको वर्षाले पश्चिम नवलपरासीकाे सिमावर्ती गाउँकाे धानवालीहरू डुबानमा समेत परेकाे छ । सरावल गाउँपालिका ७ धनेवा स्थित खाेलाकाे बाँध फुटेर पानी धानवालीमा पस्न थालेकाे छ ।
