परासी, माघ १५ । नवलपरासीमा चालु वर्षको साउनदेखि पुस महिनासम्म भएका सवारी दुर्घटनाबाट ३० जनाको ज्यान गएको छ । यो अवधिमा भएका दुर्घटनामा परी ७० जना गम्भिर घाइते भएका छन् भने ७७ जना सामान्य घाइते भएका छन् ।
ट्राफिक कार्यालय सुनवलका अनुसार मृत्यु हुनेमा २५ जना पुरुष, ४ जना महिला र १ बालिका छन् । सबैभन्दा बढी पुस महिनामा ७ जनाको ज्यान गएको छ । त्यस्तै साउनमा ५ भदौंमा ४, असोजमा ५, कात्तिकमा ३ र मंसिरमा ६ जनाको ज्यान गएको ट्राफिक प्रहरी कार्यालय सुनवलका इन्सपेक्टर अमृत भण्डारीले जानकारी दिनुभयो । दुर्घटना हुने सवारी साधनमा सबैभन्दा बढ९३ वटा मोटरसाइकल छन् ।
त्यस्तै माइक्रो र बस ९, ट्रक ११, टेम्पु ५, टेक्टर २, जिपकार १०, टिपर २, साइकल २० र अन्य ४ वटा दुर्घटना भएको प्रहरीको तथ्याङ्कमा उल्लेख छ । सवारी दुर्घटनाका मुख्य कारण तीव्र गति, मध्यपान सेवन गरी सवारी चलाउनु र यात्रुले बाटो पार गर्दा रहेको ट्राफिक प्रहरीले जनाएको छ । यसैबीच यो अवधिमा कारबाहीमा परेका ४ हजार ४७७ वटा सवारी साधनबाट ५२ लाख ४३ हजार जरिवानाबापतको राजस्व संकलन भएको ट्राफिक प्रहरीले जनाएको छ ।
