धादिङ, फागुन २३ गते । कपिलवस्तुबाट काठमाडौँतर्फ जाँदै गरेको यात्रु बस त्रिशुलीमा खसेपछि छ जनाकाे मृत्यु भएकाे छ । लु २ ख २१२१ नम्बरको बस धादिङको गजुरी गाउँपालिका ५ घाटबेसीमा दुर्घटनामा परेको हाे ।
बस दुर्घटना भएकाे घटनास्थलमै छ जनाकाे मृत्यु भएको छ । जस्मा १ जना महिला समेत रहेकाे छ । ज्यान गुमाउनेको पहिचान खुल्न सकेको छैन । दुर्घटनामा ३३ जनाको जीवितै उद्धार गरिएको छ जसमा ३० जना भन्दा बढी घाइते भएकाे प्रहरीले जनाएकाे छ । बस पृथ्वीराज मार्गबाट करिब एक सय मिटर तल त्रिशूली नदिमा खसेको जिल्ला प्रहरी कार्यालय धादिङका प्रहरी उपरीक्षक गौतम केसीले जानकारी दिनुभएकाे छ ।
घाइतेहरूको गजुरी सामुदायिक अस्पतालमा उपचार भैरहेको छ । यसतै बस चालक रुपन्देही लुम्बिनी संस्कृति न.पा.९ बस्ने वर्ष ३८ को हरिराम हरिजनलाई प्रहरीले नियन्त्रणमा लिएको छ । गाेरखापत्र दैनिक अनलाइन
