काठमाडौं, असोज १७। धादिङको गजुरी गाउँपालिका २ मजुवामा ट्रकको ठक्करबाट दुई जना विद्यार्थीको मृत्यु भएको छ । पृथ्वी राजमार्ग अन्तर्गत मजुवामा उक्त दुर्घटनाले सिद्धलेक गाउँपालिका ६ का राजकुमार श्रेष्ठका छोरा निर्मल र उद्धव श्रेष्ठको छोरा सन्जिवको मृत्यु भएको हो ।
काठमाडौंबाट चितवन तर्फ जाँदै गरेको प्रदेश ०२–००१ ख ६४१३ नम्बरको बाह्रचक्के ट्रकको ठक्करबाट बागेश्वरी माध्यमिक विद्यालयको कक्षा आठमा अध्ययनरत ती दुई विद्यार्थीहरुको घटनास्थलमै मृत्यु भएको धादिङका प्रहरी नायव उपरीक्षक सन्तुलाल प्रसाद जयसवारले जानकारी दिए । उनिहरु बाटो क्रस गर्दा ट्रकले ठक्कर दिएको थियो । शव परीक्षणका लागि गजुरी अस्पताल पठाइएको छ । Source-Onlinekhabar
