काठमान्डाैं, कात्तिक १७ । आईसीसी टी–२० विश्वकप एसिया छनोटको लागि सेमिफाइनलमा नेपालले आज यूएईको सामना गर्दैछ । हिजाे भएकाे खेलमा नेपाल पराजय भए संगै आजकाे खेल निकै महत्वपुर्ण रहेकाे छ । आज नेपालले यूएइलाइ जित्नै पर्ने छ ।
आज खेलको विजेता टोलीले सन् २०२४ मा हुने टी–२० विश्वकप खेल्न पाउनेछ । नेपाल र यूएई दुवैलाई विश्वकपमा छनोट हुन आजकाे खेल जित्नैपर्ने दबाब छ । मूलपानी क्रिकेट मैदानमा बिहान ११ बजे यो खेल सुरु हुनेछ ।
नेपाल समूह ‘ए’को उपविजेता र यूएई समूह ‘बी’ को विजेताका रूपमा अघि बढ्दै सेमिफाइनलमा आमनेसामने हुन लागेका हुन् । अर्को सेमिफाइनल खेलमा आजै ओमान र बहराइन कीर्तिपुर मैदानमा खेल्दैछन् । फाइनल खेल आइतबार कीर्तिपुर मैदानमा हुनेछ ।
