काठमान्डाैं, पुस २३ । नेकपा माओवादी केन्द्रका उपमहासचिव जनार्दन शर्माले पार्टीका पदाधिकारीको सम्पत्ति छानबिन गर्न माग गर्नुभएकाे छ ।
काठमाडाैंमा जारी पार्टीको केन्द्रीय समिति बैठकमा धारणा राख्ने क्रममा उपमहासचिव शर्माले पदाधिकारीहरूको सम्पत्ति छानबिन गरेर गल्ती गरेकाहरूले कारबाही भाेग्नुपर्ने बताउनु भयाे ।
उहाँले भन्नुभयाे, ‘पदाधिकारीहरूकाे सम्पत्तिकाे छानबिन गराैँ, गल्ती भए कारबाही भाेगाैँ र नैतिक रूपमा बलियाे बनाैँ ।’
शर्माले क्रान्तिकारी दिशातिरकाे यात्रालाई समर्थन गर्ने बताउँदै भावना र विचारबिना पार्टी नहुने बताउनु भयाे । आजसम्म माओवादीहरू पुँजीवादी छायामा रहेकाे पनि शर्माले बताउनु भएकाे छ ।
उहाँले पार्टीलाई बलियो बनाउन एकता र ध्रुवीकरण गरेर जानुपर्ने धारणा राख्नु भएकाे छ । उहाँले विधानअनुसार महाधिवेशनमा जानुपर्ने भन्नुभएकाे छ।
