कपिलवस्तु, असोज १७ गते । कपिलवस्तुमा दिदीबहिनीलाई सर्पले डस्दा बहिनीको मृत्यु भएको छ । बाणगङ्गा नगरपालिका– ९ भलवाडका ३ वर्षीया रीतिका क्षेत्रीलाई मङ्गलबार राति सर्पले डसेपछि मृत्यु भएको हो ।
घरमा सुतिरहेको अवस्थामा सर्पले दिदीबहिनी ३ वर्षीया रीतिका क्षेत्री र ८ वर्षीया इशिका क्षेत्रीलाई डसेको बुबा मोतीलाल क्षेत्रीले बताए । उपचारका क्रममा रितिकाको मृत्यु भएको लुम्बिनी प्रादेशिक अस्पताल बुटवलका सूचना अधिकारी डा.नेत्रबहादुर रानाले जानकारी दिएका छन् । भने इशिकाको भेन्टिलेटरमा उपचार भइरहेको छ ।
सर्पले डसेको थाहा पाएपछि उनिहरु लाई बिहान ४ बजे उपचारका लागि कपिलवस्तु सर्पदंश उपचार केन्द्र गोरुसिङ्गेमा लगिएको थियो । अचेत अवस्थामा रहेकाले उनिहरु लाई थप उपचारका लागि लुम्बिनी प्रादेशिक अस्पताल बुटवल पठाइएको सर्पदंश उपचार केन्द्रमा वातावरणीय व्यवस्थापक नवीन भण्डारीले बताए । एक जनाको कान र अर्कोको हातमा सर्पले डसेको बताइएको छ । source- Gorkhaptra online
