काठमाडौं, असोज १२ । नेकपा एमालेको बागमती प्रदेश अध्यक्षमा कैलाश ढुंगेल र कृष्णप्रसाद दाहालको उम्मेदवारी कायम भएको छ । अध्यक्ष पदमा अन्यले दिएको उम्मेदवारी फिर्ता लिएपछि ढुंगेल र दाहाल बीच मात्र प्रतिस्पर्धा हुन भएको हो ।
अधिवेशनमा अध्यक्ष पदका लागि केशव प्रसाद पाण्डे, सानु श्रेष्ठ र केशर बुढाथोकीले पनि उम्मेदवारी दर्ता गराए पनि उनीहरुले पछि फिर्ता लिएका थिए ।
यसैगरी उपाध्यक्ष पदमा चार जना र सचिवमा दुई जनाको उम्मेदवारी कायम भएको छ । उपाध्यक्षमा ईश्वरचन्द्र पोखरेल, दावा दोर्जे लामा, नारायणप्रसाद खतिवडा र राजेन्द्र राजथलाबीच तथा सचिवका लागि नवराज सिलवाल र हस्तबहादुर पण्डित प्रतिस्पर्धामा छन् । उम्मेदवारहरुको अन्तिम नामावली सार्वजनिक गरिसकिएकाले आज बिहान १० बजेबाट मतदान सुरु गर्ने तयारी छ । मतदान पार्टी केन्द्रीय कार्यालय च्यासलमा हुनेछ । onlinekhabar
