काठमान्डाैं, भदाैं १२ । नेकपा (एकीकृत समाजवादी) को पदाधिकारी र पोलिटब्युरो सदस्य चयनका लागि जारी मतगणनामा परिणाम आइरहेको छ । जसअनुसार उपाध्यक्ष र सचिवको परिणाम आएको हो ।
एकीकृत समाजवादीको उपाध्यक्ष (महिला) मा जयन्तिदेवी राई निर्वाचित भएकी छन् । उनले रामकुमारी झाँक्रीलाई पराजित गरेकी हुन् । त्यस्तै उपाध्यक्ष (मधेशी) मा रामचन्द्र झालाई पराजित गर्दै धर्मनाथ प्रसाद साह विजयी भएका छन् ।
खुला उपाध्यक्षमा डा. गंगालाल तुलाधर, जगन्नाथ खतिवडा, भानुभक्त जोशी र प्रकाश ज्वाला विजयी भएका छन् । वरिष्ठ उपाध्यक्षमा भने यसअघि नै राजेन्द्र पाण्डे निर्विरोध निर्वाचित भइसकेका छन् ।
त्यस्तै उपमहासचिवमा गरिमा शाह, राजेन्द्र राई, मेटमणि चौधरी र रामकुमार भट्टराई निर्वाचित भएका छन् ।
त्यस्तै सचिवमा गणेश बिक, बलदेव चौधरी, श्रीनाथ बराल, सावित्रा भुषाल, शेरबहादुर कुँवर, सोमप्रसाद पाण्डे र चन्द्रबहादुर शाही निर्वाचित भएका छन् । साभारः शिलापत्र
