काठमाडौं, वैशाख २७ । प्रमुख प्रतिपक्ष दल नेपाली कांग्रेसको संसदीय दलको बैठक आज बस्दै छ । दिउँसो २ बजे नयाँ बानेश्वरस्थित ल्होत्से हलमा बस्ने गरी बैठक बोलाइएको हो ।
बैठकमा शुक्रबारदेखि सुरु हुने संसदको वर्षे अधिवेशनमा संसदमा कसरी प्रस्तुत हुने भन्ने बारेमा छलफल हुने कांग्रेसका नेताहरूले बताएका छन् । त्यस्तै पछिल्ला राजनीतिक घटनाक्रमको बारेमा पनि छलफल हुनेछ ।
यसैगरी कांग्रेसले सभामुखसँग शीर्ष नेताहरूको बैठकमा अहिले पनि संसदीय छानबिन समिति बनाएर गृहमन्त्री लामिछानेमाथि छानबिन गर्नुपर्ने माग यथावत राखेको छ ।
